Na gastronomía berciana, d’entre tantas cousas específicas, hai una que destaca por cima las outras, al puntu que cuasi yia sinónimu de gastronomía berciana: El Bierciu suona a Butiellu. Diz el documentu de la direición de la “IGP Botillo del Bierzo” que’l nuesu rei de los pratos tien raigañu romanu y que yá en “De Re Quoquinaria” vien una receta mui parcida, sicasí nun podía ser coloráu, porque d’aqueilla nun había pimientu, faltaban años pa que los truxeran d’América. Yíanos difícil maxinar agora la pinta que tendrían los butiellos precolombinos, ensin el gustín del pimientu, el puntín picante a veces, y esi color tan guapu.
Pero hai outras perguntas que nun nos facemos, yia’l butiellu esclusivamente bercianu? Hai quien sabe que noutras comarcas cumu Ḷḷaciana (incluyida na IGP de la marca berciana, outramiente yía a veces esqueicida) ou Cabreira (onde se conoz tamién por “ventruyu” ou “pastor”) y la gallega Valdeorras tienen la pieza estreilla de la gastronomía berciana.
Pero esiste noutras tierras! Resulta que en Senabria, Estorga y la Ribera l’Orbigu podemos atoupalos nas carnicerías, y si perguntas si son bercianos, diránvos que non, que son locales, que los bercianos apropiémonos d’una costume que yera tamién d’estas outras tierras llionesas. Y non solu estas: outras comarcas cumu Babia, Ḷḷuna, Omaña onde se conoz por “Lloscu” ou n’Ordás onde puede recibir el nome de Xuan ou Juan. En Zamora tenemos continuidá non solu con Senabria (onde a veces lleva’l nombre de “pastor” igual que en Valdeorras y en Cabreira baxa), tamién en Carbayeda y n’Aliste. Pero’l que vai sorprender a los nuesos lleutores bercianos yia que tien una estensión tovía mayor. Non mui lluenxe tenemos butiellos n’Asturias, onde’l de Tinéu yía la elaboracion más nombrada, cona mesma color y forma que los nuesos, y tien tamién un armanu ximielgu (más bien meyizu), el Choscu, que tien por fuera la mesma pinta, pero véndese yá cocidu y puédese cortare y metelu en pan pa comelu en friu cumu llacón porque nun tien güesos. Outramiente nun vai prestar mas q’un butiellu caliente, conos sous cachelines y unas prestosas bercinas del güertu. Outra curiosidá d’esta zona ocidental asturiana que tien lligazón cona comarca berciana yía que al pumientu conu que adoban choscos y butiellos dan-y’l nome de “briambibe” (sigún me contou Fernando A.-Balbuena) en referencia Bienvibre, la villa berciana onde esistienon molines conos que se molía (agora nun queda mas que’l monumentu mal tituláu “Molino de la Pimienta” cuando’l que molía’l molín yera “pimentón”, ou cumu-y dicimos entre nós: “pimientu” en singular)
Siguiendo pola patria’l Butiellu tenemos outra zona que noutras tantas cosas tenemos por armana: Trátase de la rexón portuguesa de Tras-els-Montes (na variante mirandesa d’esta mesma llengua na que escribimos), onde esisten varios butiellos (“butelos” ou “bulhos” en portugués) concentraos más que nada nu Distritu de Bergancia. Eiquí hai un butiellu que rivaliza cona nuesa marca, porque tien marca d’identificacion que protexe y certifica esti produtu a escala europea: “IGP Butelo de Vinhais”. Sorprenderá que téngamos duas marcas de Butiellu na Unión Europea pero tamién esisten butiellos fuera de la IGP portuguesa feichos con carne de gochu local chamáu “cochino mirandés”. N’estu danmos una lleición: porque la industria berciana en llugar de criyar gochos cona fruta sobrante (de zreizas a mazanas, peras y castañas) trailos de fuera, de granxas d’outras tierrras. Pero nun yía igual el de Vinhais que la receta berciana: varian na sazón, el nuesu adóbase con ayu y uriéganu, los trasmontanos llevan llaurel, y los mirandeses pimienta negra, que-y da un gustu mui diferente.
Pero inda hai más! Amás de las zonas amentadas, aparecen más al Sur con outras denominaciones más estrañas: el “banduju” en Salamanca, el “bucho” na Beira portuguesa (distritos de A Guarda y Sabugal, onde cuenta con una “Confraria do Bucho Raiano” armana de la Cofradía Real berciana) con una pinta más arredondiada (métenlos n’estomagos ou en vixigas, mientras que la norma berciana diz que la tripa ha ser el ciegu, que-y da la sua forma ovalada). Pa Estremadura tienen “el Buche” que yía cuasimente lu mesmu que los nuesos. Y se arrascamos un pouquín resulta que pol oriente hai butiellos en tierras rayanas de Castiella, por Palencia; y en continuidá con esta y con Asturias, hailos tamién en Cantabria. Sicasí nestas outras provincias nun hai una industria cárnica que los faiga, la tradición vaise perdiendo y quedou namás na matanza de casa (conas restriciones sanitarias que tien)…
Daniel Guerra González
La nuesa llingua, los nuesos puebros
Sen esquecer tampouco o botelo ou butelo tan largamente estendido en Galicia, nas Terras de Trives, Valdeorras, O Courel, Samos, Cervantes, A Fonsagrada, Navia… e tamén nos Ozcos, Grandas de Salime, na árra sudoccidental asturiana, coñecido polo mesmo nome